Задолжителните предмети ја сочинуваат содржинската основа на основното училиште, со која на учениците им се овозможува вертикална проодност за продолжување на школувањето во средното образование.
Застапеноста на наставните предмети по одделенија и нивните квантитативни износи изразени во седмичен и годишен фонд на часови произлегува од наставниот план, а целите и содржините од наставните програми.
Наставата во сите училишта се изведува во една смена.Часовите започнуваат во 7:30 часот. Наставниот час трае 40 минути. Прв задолжителен странски јазик е англискиот јазик, а како втор задолжителен јазик од шесто одделение учениците го изучуваат француски јазик.
Наставата се изведува кабинетски, како што дозволуваат условите и наставните предмети организирани во групи според неделната застапеност.
