Конкурс за избор на ученик – првенец на генерација за учебната 2023/2024 година
Општинско основно училиште ˝Пере Тошев˝ – Росоман
Врз основа на Правилникот за видовите на пофалби и награди на учениците, ООУ ˝Пере Тошев˝ – Росоман распишува
КОНКУРС
За избор на ученик – првенец на генерација за учебната 2023/2024 година
Право на учество имаат ученици од деветто одделение кои ги исполнуваат следниве условиː
- да покажуваат примерен однос во училиштето и надвор од него
- да имаат континуирано примерно поведение
- да имаат континуиран одличен успех од VI до IX одделение
- да имаат учество и освоено место на училишни натпревари (интерни-училишни,општински, регионални, државни, меѓународни)
- да имаат освоено награди, дипломи, признанија,благодарници
- да имаат учество и освоено место на конкурси и спортски натпревари во име на училиштето
- активно да учествуваат во слободни ученички активности, во воннаставни активности, како и во работата на ученичките организации и училиштето воопшто
Учениците кои ги исполнуваат горенаведените услови да се обратат кај класните раководители за дополнителни информации и помош при подготовка на документите.
Потребните документи да се достават до педагошката служба најдоцна до 18.04.2024година.
Документите да содржат ː
- Пријава до комисијата
- Копии од свидетелства
- Копии од дипломи,пофалници,благодарници и сл.
Комисијата за пофалби и награди ќе ги разгледа пристигнатите документи и врз основа на критериумите од правилникот, изготвува бодовна листа на ученици според добиените бодови, ја доставува до Наставничкиот совет кој донесува одлука за прогласување на ученик – првенец на генерација. Признанието и наградата ќе се додели на денот на патрониот празник на училиштето.
Директор
Росоман 09.04.2024 год. _________________________
Ленче Стојанова
